موقع Allah Mahabba – كم كلمة عن الحب… بعيد الحب
الحب الحقيقي هو حرّ! الحب الحقيقي بيعطي من القلب ومابستنى أي شي من الطرف الآخر. الحب الحقيقي بيعترف بحبو للآخر من دون ما ينطر الآخر يعترف وبيساعد الآخر من دون ما ينطر الآخر يطلب المساعدة.
الحب الحقيقي بديهي، صادق، سامي، شريف، أمين و راقي.
الحب الحقيقي عميق وجذاب بس الأهم هو سرّ.
سرّ الحب يكمن بالحرية
يللي بتعطي فرح عيش الحب بالأختيار الصحيح من دون قيود أو تعهدات أو أي وعود.
الحب الحقيقي مجاني ومن دون مقابل لأنو حقيقي وثابت على مواقف وقناعات.
الحب الحقيقي بيضحي من أجل الآخر لأنو الموت عندو ربح والحياة هية فرصة للتعبير عن الحب.
الحب الحقيقي هو قوة بتقدر تغلب جميع القلوب المتحجرة وبتقدر تسكب من عطرها على الأنفس الميتة لتعيش فرح الحياة.
الحب الحقيقي مو متعلق بالوقت بل بعيش بكل الأزمان والأمكنة يللي بتحضنو.
الحب الحقيقي هو أمل بمستقبل مليان فرح عيش الحب مع كل صعوبات الحياة.
الحب الحقيقي منبعو القلب والقلب نبضو من الحب يللي خلقو بأول لحظة نفخ فيو الروح ودعاه للتمتع بالحياة من خلال التضحية بالحياة من أجل الحب.
الحب الحقيقي هو صلاة وصِلة وتواصل مع المحبة يللي تجسدت وصار أسمها يسوع.
وأنا شاهد على هالحب وإنسان عم يختبر هالمحبة مع شخص يسوع المسيح وعم أشارك الكل علاقتي مع يللي حبني وعرفني معنى الحب الحقيقي من خلال وجودو بحياتي.
تابعوا قناتنا
https://www.youtube.com/allahmahabbaorg
شكراً لزيارة موقعنا وقراءة “كم كلمة عن الحب.. بعيد الحب”. ندعوك لمشاركة هذه المقالة مع أصدقائك ومتابعتنا على مواقع التواصل الإجتماعي على فيسبوك، انستغرام، يوتيوب وتويتر. نسأل الله أن يضع سلامه في قلبك أينما حللت ومهما فعلت وخاصّة في لحظات الخوف والألم والصعاب. ليباركك الربّ ويحفظك، ليضىء بوجهه عليك ويرحمك وليمنحكم السّلام!
